ரயில்பூச்சிகள்.

எத்தனை கவனமிருந்தும்
நிகழ்ந்து விடுகிறது விபத்து.
மோதிக்கொன்றோம்
நானும் ரயில்பூச்சியும்! 

என் சக்கரத்தில்
நசுங்கியது ரயில்...

ரயிலோட்டத்திற்கு நிற்கும் நான்
ரயில்பூச்சிக்கு நின்றிருக்கலாம்!

இப்பொழுதெல்லாம்
என்னை முந்திச் செல்கின்றன
ரயில்பூச்சிகள்.

பிறகொருபொழுதில்
ஒன்றின்மீது ஒன்றாக
ரயில்பூச்சிகள் நகர்கையில்...
உதட்டில் சிறுபுன்னகையோடு - நானும்
ஊர்ந்து சென்றேன்!