இந்தக் குழந்தையோடுதான்
இப்பொழுது பொழுது.

என்ன. ... 60 வயதுக் குழந்தை.
இந்தக் குழந்தையின் சிடுசிடுப்பை 
ரசிக்கிறேன்

ஏச்சு பேச்சுக்களை
பாடலாய் வரிக்கிறேன்.

குழம்பு நல்லாவே இல்ல என்று
சும்மா உசுப்பேற்றி...

ஒரு டீ கிடையாதா என்று
டீயாய்க் கேட்டு...

சரி சரி வெந்நீராவது...
ரெண்டும் ஒண்ணுதானே என்று
கடுப்பேற்றி...

குழந்தையின் ஆட்டத்தை
ரசிக்கிறேன்
உள்ளூரப் பெருஞ்சிரிப்போடு...

தாய்க்குழவியின் வாய்ச்சொல் இனிது
தளர்நடைக்குத் தோள்தருதல் இனிது
அருகினிது.

என் இதயத் துடிப்பின்
கடிவாளம்
இந்தக் குழந்தையின் கண்களில்தான்
இருக்கிறது.