மனம் விரும்புதே உன்னை
உன்னைக்கு 
பெண் வேடமிட்டு ஆடியவன்
'டீச்சரா'கிவிட்டான். 

கானாங் கத்தை மீனு வாங்கியில்
கொதிக்குது கொதிக்குது
குக்கருல கொதிக்குதுக்கு
கண்ணாடியைக் கழற்றிவிட்டு
இடவலம் தெரியாமல்
தன்போக்கிற்காடியவன்
ஐ.டி.யில் அமைதியாகிவிட்டான்

எனக்கு முன்வரிசையிலாடிய
வெள்ளைத் தோலி
சரோஜா சாமான் நிக்காலோவென்று
போயேவிட்டாள்

இது தஞ்சாவூரு மேளமென்று
என் இடத்தில் ஆடியவள்
இரண்டு குழந்தைகளுக்குத் தாயாகி
கம்ப்யூட்டர் சென்டரில் சேர்ந்துவிட்டாள்

நெருப்போ கூத்தடிக்குதுக்கு
என் வலத்திலாடியவன்
ஆர்மியில் ஐக்கியமாகிவிட்டான்.

அடம்பிடித்தே
நடுவில் ஆடிய
நடன வேந்தன்
கார்பெண்டராகிவிட்டான்.

நானும்
அவ்வப்போது
துள்ளியிருக்கிறேன்...

ஜிங்கிள் பெல்ஸ் ஜிங்கிள் பெல்ஸ்
ஜிங்கிள் ஆன் த பெல்ஸ்க்கு
துள்ளியவன்..
கண்ணும் கண்ணும்தான் கலந்தாச்சுவோடு....
ஊவ்வா ஊவ்வாவென்று ஆடியாச்சு.....

இப்போதும் சிலர்
மேடைகளில்
துள்ளிக் கொண்டிருக்கிறார்கள்...