பெருவெளியில்
பந்துகள் சிதறிக் கிடக்கின்றன

அந்த மஞ்சள் நிறப் பந்து ஏன்
மறைந்து நின்று 
ஒரு கண் கொண்டு
ஸ்மைலி செய்கிறது?

அந்த நீல நிறப் பந்து ஏன்
கவிழ்ந்த குவளை அருகே
ஏனோதானோவென்று கிடக்கிறது

உதை வாங்கி
பழுத்த பழுப்புப் பந்தும்
ஒருபக்கம் சப்பி நிற்கிறது

ஒரு காலத்தில்
சதுர டப்பாக்கள் நிறைய
கண்ணாடிப் பந்துகள் இருந்தன

இப்போது
அவள் கையிலிருக்கிற
அந்தப் பச்சைப் பந்து மட்டுமே
எப்போதும் நினைவில் உருள்கிறது

பந்துகள் மீதான விருப்பம்
இன்னும் தீர்ந்தபாடில்லை!