கடந்து செல்லும்போதெல்லாம்
முட்டைக் கூட்டில்
நிற்கும்
முட்டைகளின் பிரம்மாண்டம்
கண்களுக்கு நேரே.

கணம் நின்று
முட்டைகளோடு பேசிவிட்டுத்தான் செல்வேன்

எங்கோ பயணித்து
தட்டை சேர்ந்து
என் வீட்டு டஜன் கூட்டில் வந்து
அமைதியாக
என்னை வேடிக்கை பார்க்கும்.

தந்தைக் குருவியும்
தாய்க் குருவியும்
தற்செயலாய்
இறந்த பொழுதில்....
தற்செயலாய்த்தான்...

சின்னப் பெண்ணொருத்தி
திராட்சை அளவேயான
குருவி முட்டையை
எப்படி அடைகாப்பது
எப்படி குஞ்சுபொரிப்பதென்று
அங்கலாய்த்தாள்

ஒன்றும் செய்ய இயலாதென
கோபத்தில் சொன்னேன்

முட்டைக் கூட்டில்
குருவி முட்டையை வைத்துவிட்டுப் போனாள்

முட்டைகள்
அரைவேக்காடு ஆகலாம்
கூமுட்டையாகலாம்
ஆட்சியரிடம் மனு கொடுக்கலாம்
குருவிக் குஞ்சுக்கான கூடல்ல அது!
கூமுட்டையருகில் குருவி முட்டை!!!